Best Bar None in Rhondda Cynon Taf

Alfred’s Bar and Grill in Pontypridd has been named the safest pub in Rhondda Cynon Taff after becoming the first overall winner of the prestigious Best Bar None award.

Photo : Joint Chair of Community Safety Partnership, Councillor Paul Cannon with Overall Winners Christine Paxford and John Phillips from Alfreds Bar

The scheme was launched in January and aims to “name and fame” the safest and best run pubs in Rhondda Cynon Taff, recognising managers’ efforts to reduce alcohol related violence and binge drinking and run safe and responsible premises.

It is the first time the scheme has been launched in Wales and pubs based in

Aberdare, Pontypridd and Porth town centres were eligible to vie for the prestigious accolade of the ‘Best Bar None’.

The winner was announced at a packed awards dinner at The Rhondda Heritage Park on March 30th.

Area winners were also announced for Rhondda, Cynon and Taff naming the best pub in each region with the overall winner selected from the finalists.

Porth Winner: Colliers Arms

Aberdare Winner: Cambrian Inn

Pontypridd Winner: Alfred’s Bar & Grill

The assessment process began in January and landlords were required to answer questions about safety, training, their policy on checking ID of young drinkers, employment of door staff, environmental management and many other safety issues.

Alfreds, Pontypridd (Audio review)

An exclusive audio review of Alfreds, Pontypridd for Pubscymru ... click here (ogg vorbis format)

This review originally appeared on Aberdare Blog here.

Cambrian Inn, Aberdâr

Cambrian Inn, Aberdâr
Stryd Seymour
Ffôn (01685) 879120








Tafarn bach gyfeillgar yng nghanol tref Aberdâr

Cwrw: 8/10

Mae digonedd o ddewis yma ar gyfer ffans y cwrwau poblogaidd... lagyr (Heineken, Stella Artois, Carlsberg, Castlemaine XXXX), cwrw du neu stout (Guinness Extra Draught, Murphys draught), seidr (Strongbow), chwerw (Flowers best bitter), a'r cwrwau smoothflow (Welsh smooth, a Flowers IPA). Prisiau rhesymol.

Y prif atyniad ar gyfer nifer o bobol yw'r cwrwau casgen diddorol sydd ar gael. Ac er bod un pwmp cwrw casgen ar gael, mae hyn yn newid yn gyson. Heddiw roedd cwrw Electra ar gael o Fragdy Milton (Caergrawnt) yn barod ac yn ffres a blasus gyda'r casgen wedi ei dapio ddoe. Peint cofiadwy iawn : llawer o flas bisgeden a hop, a blas y brag fel sylfaen i'r perfformiad.

Dywed y tafarnwr, Nick Brown : "Rwy'n chwilio am gwrwau dinod gyda chymeriad a gan amlaf yn prynu y casgenni o fragdai anadnabyddus. " Ac felly yn anaml iawn cewch chi yfed yr un hen beint wythnos ar ôl wythnos yn y Cambrian. Os hoffech chi cadarnhau pa gwrwau sydd ar gael, ffoniwch y tafarn ymlaen llaw.

Cefais cipolwg ar frwdfrydedd y tafarnwr ar ôl clywed ei stori am gwrw a brynodd o Fragdy Blindman's (Gwlad yr Haf). Bragwyd 12 ffircyn arbennig gan Fragdy Blindman's... a phrynwyd 2 ohonynt gan Nick Brown ar gyfer ei dafarn yn Aberdâr.

Fe restrir y Cambrian Inn ym mhrif gyhoeddiad yr Ymgyrch Dros Gwrw Go Iawn, sef Good Beer Guide ac mae canghennau yr Ymgyrch yn cwrdd a chynnal eu cyfarfodydd yn aml yno. Rhyw fath o sêl bendith cwrwaidd felly :-).

Bwyd

Prydiau o fwyd ar gael rhwng 12.00pm - 2.30pm. Amrywiaeth o fwydydd ar gael. Nid wyf wedi sgorio bwyd y tafarn yma gan nad oedd cyfle gennyf asesu'r bwyd.

Adloniant: 6/10

Rhywbeth ar gael at ddant pawb yma : jiwcbocs, bwrdd pwl, teledu fawr ar gyfer y rygbi a phêl droed... cornel fach dawel ar gyfer gêm o gardiau neu sgwrs.

Awyrgylch: 8/10

Mae enw da iawn gyda'r tafarn yma yn lleol. Fe ofynais i'r tafarnwr i ddisgrifio prif gymeriad y tafarn a dywedodd Nick Brown taw lle "cartrefol a lle i ymlacio" oedd y Cambrian. A dyna yn gryno sut fuaswn i'n ddisgrifio yr awyrgylch : lle i ymlacio a mwynhau peint a sgwrs. Mae yna cymysgedd o bobol yn defnyddio y tafarn. Mae'r staff a'r tafarnwr yn brofiadol (mae hynny'n bwysig) ac yn awyddus i sicrhau bod yr awyrgylch yn apelio at gynulleidfa eang. Maent wedi llwyddo.

Theatr (Cyflwyniad a Gwasanaeth) : 8/10

Fe hoffwn awgrymu delwedd y theatr i gyfleu pwysigrwydd pethau fel cyflwyniad a gwasanaeth o fewn tafarnau. Rwy'n hoff iawn o'r ffaith fod uniongyrchedd yn theatr y tafarn ac mae pawb yn rhan o'r perfformiad i ryw raddau a bod cymaint o bosibiliadau.

Mae cyflwyniad y Cambrian Inn yn wych. Popeth yn edrych yn lân, sglein ar ddodrefn pren, dim soseri llwch yn orlawn gyda llwch, tai bach yn lân gyda phopeth pwysig yno, dim paent na phapur wal yn edrych yn flêr, y gwydrau wedi ei lanhau yn gywir, y lluniau ar y wal yn addas ayyb.

Gwasanaeth bendigedig sy'n adlewyrchu y proffesiynoldeb sydd wrth wraidd llwyddiant y Cambrian Inn. Y pethau bach - megis cynnig sampl fach o gwrw - sy'n cyfrannu tuag at gyfleu gwasanaeth bendigedig a chofiadwy. Ac hefyd pethau sy'n hynod o bwysig ond yn sylfaenol fel cyswllt llygad pan yn delio gyda pherson arall.

Cyfanswm: 30/40

Yn gryno, dyma tafarn go dda a chyfeillgar sydd yn apelio at gynulleidfa eang ond yn enwedig pobol sydd yn hoff o gwrw traddodiadol. Bwriedir tapio casgen o gwrw gan Fragdy Otley (bragdy meicro newydd a agorwyd yn ddiweddar ym Mhontypridd) cyn bo hir ac ar ôl hynny Xmas Special gan Fragdy Rhymney. Cofiwch cadarnhau gyda'r tafarn ymlaen llaw beth sydd ar gael os yw hynny'n bwysig i chi... a gobeithio cewch cyfle i fwynhau peint yn y Cambrian Inn os ydych yn aros yn Aberdâr.

---

Ar gael fel ffeil mp3 : 6mb ac yn parhau am 6 munud.
http://img.aberdare.org/audio/cambrianinn.mp3

---

English language version of this review available here.

Gwyl Fawr Gwrw a Seidr Cymru | Great Welsh Beer & Cider Festival

1af - 3ydd Rhagfyr 2005 Neuadd y Ddinas, Caerdydd

Mae’r digwyddiad mwyaf o’i fath yng Nghymru yn cynnig dewis dihafal o dros 150 o gwrw traddodiadol, yn ogystal a mwy na 30 seidr a perry.

Mae’r digwyddiad blynyddol hwn yn cael ei gynnal yn adeilad godidog Neuadd y Ddinas yng nghanol Caerdydd ac wedi ei drefnu gan gangen leol yr Ymgyrch Dros Gwrw Go Iawn (CAMRA) prif fudiad Prydain am hyrwyddo ‘cwrw go iawn’ cyflwr-casgen.

Mae digwyddiad 2005 yn cymeryd lle rhwng y 1af a’r 3ydd o Ragfyr ac mae popeth y byddwch eisiau ei wybod ar y safle hwn.

Mwy o wybodaeth http://www.gwbcf.org.uk/

Angen gwirfoddolwyr trwy’r wythnos, ewch i’r gwefan am fwy o fanylion.

Great Welsh Beer & Cider Festival
1st - 3rd December 2005 City Hall, Cardiff

The largest such event in Wales offers an unrivalled selection of over 150 traditional ales, as well as more than 30 ciders and perries.

This annual event is held in the magnificent setting of City Hall in the centre of Cardiff and is organised by the local branch of the Campaign for Real Ale, Britain’s premier organisation promoting cask-conditioned ‘real ales’.

The 2005 event takes place from 1st-3rd December and this site has all you need to know.

More information http://www.gwbcf.org.uk/

Volunteers wanted throughout the week, please see website for further details.

Ty Isaf, Bethesda

Iep, un arall o dafarndai Bethesda sydd o dan y chwyddwydr gen i!

Cwrw: 8/10
Does 'na ddim Carling yma, ond mae 'na ddewis da iawn o beintiau eraill yn cynnwys Carlsberg, a dio'm yn or-ddrud yma. Mae hi bob amser yn beint dda 'ma, hefyd.

Bwyd: 'Sdim bwyd ar gael yma, ond yr arferol creision, felly dw i am ymatal rhag rhoi marc

Adloniant: 7/10
Teledu sydd wastad ymlaen, jiwcbocs a bwrdd pwl sy'n hynod anodd chwarae'n iawn achos ei fod o mewn cyfyng furiau - sy'n rhan o'r hwyl! Mae 'na garoci yma sydd yn hwyl (am garioci).

Awyrgylch: 8/10
Hollol ded yn ystod y diwrnod, felly lle da am beint prynhawn distaw. Mae 'na awyrgylch da yma'n nos, achos mae 'na 'chydig o ganu yn digwydd weithiau, a mae'n awyrgylch Cymraeg. Mae hi'n dod drosodd fel tafarn lleol ond eto nid yn anghroesawgar.

Adeilad: 7/10
Bach. Iawn. O bosib un o'r tafarndai lleiaf dw i'n bersonol wedi bod iddi, ond mae ganddi rhyw swyn o'r herwydd. Eitha cartrefol ar y tu fewn, hefyd.

Cyfanswm: 30/40
Tafarn bach dymunol iawn ar y cyfan, a fy ffefryn personol yn stryd Bethesda. Mae hi'n eithaf cartrefol, ac y hawdd aros yno drwy'r nos heb fod gweld angen symud ymlaen.

Belle Vue, Bangor Uchaf

Cwrw: 7/10
Dewis generic o ddiodydd fel sydd ar gael ym mhob ty tafarn yn Bangor, ond ma nhw'n gwerthu hoegaarden drud os dwi'n cofio'n iawn.

Bwyd: 5/10
Dwi ddim yn meddwl bod nhw'n gwneud bwyd, ond ma nhw'n gwerthu creision a petha felly.

Adloniant: 6/10
Bwrdd pwl diawledig, dwi ddim yn curo arno'n aml. Pawb arall yn. Jukebox golew dipyn o ddewis gwahanol yna, dim lot in nhast i.

Awyrgylch: 7/10
Eithaf distaw yna ar y cyfan. Ma'n prysuro ar y penwythnos. Mae'r dau rhan i'r pub yn creu awyrgylch od i'r lle weithiau.

Adeilad: 7/10
Wedi ei lleoli yn ganol bangor uchaf, gyda llawer o pubs eraill o gwmpas. Cashmachine ar draws y ffordd. Dau ystafell i'r pub un mwy cyfforddus i gael chat a ymlacio, llall i chwara pwl gwrando ar jukebox a.y.b. mae'r ystafell yma newydd cael cot o paent fyd, felly dio ddim mor dywyll ac o'r blaen. Mae na beer garden yn y cefn ond dwi eriod di bod na a fysai ddim yn disgwyl iddo fod yn dda iawn. Nai sbio tro nesaf fyddai yna.

Cyfanswm: 32/50
Pub da i fynd am noson dawel o pwl yn ganol wythnos. Hefyd ar y route mynd allan o amgylch Bangor uchaf. Un o fy ffefrynnau yn Bangor.

Y Llangollen, Bethesda

Cwrw: 7/10
Dewis da o gwrw, o bosib y dewis gorau yn Nyffryn Ogwen. Ond mae'r Llangollen yn eitha drud ... £2.30 am beint o Garlsberg! Gwarth ta beth!

Bwyd: 7/10
Yr unig dafarn ym Methesda sy'n gwneud bwyd fel y cyfryw, ac mae'r bwyd yn iawn yno (llond plat, 'fyd). Caiff rhywun fwynhad, hefyd, o ddarllen y fwydlen am 'meleted cheese' a'r rhan bwydydd tramor 'Around The World' sydd dim ond yn cynnwys prydau gyda cyw iar ynddyn nhw!

Adloniant: 5/10
Oes, mae bwrdd pwl a a jiwcbocs ond ni cheir yma deledu, felly peidiwch a dod draw i gem nesaf Cymru.

Awyrgylch: 3/10
Er mor orlawn y gall hi fod yma, dydi'r awyrgylch byth yn cynhyrfu dy waed. Mae'n fwy family friendly na thafarndai eraill Bethesda, ac yn dueddol o ddenu mewnfudwyr a'r twristiaid yn fwy na'r un dafarn arall. Heb Gymreictod di-gyfaddawd Tŷ Isaf, cynnwrf Y Tarw na swyn Y Siôr, does gan Y Llangollen fawr i'w chynnig wedi'i gosod ben-i-ben gyda thafarndai eraill y dyffryn.

Adeilad: 7/10
Am rhyw reswm, dyma'r math o dafarn mae'n neis bod ynddi pan bod hi'n bwrw glaw. Wn i ddim sut, chwaith, ond mae hi. Mae hi'n dafarn cartrefol, efo toiledau glân a chadeiriau cyfforddus.. Y gwir ydi, mae’r lle’n edrych ac yn teimlo fel tŷ, sy’n dda.

Cyfanswm: 29/50
Fel rheol, awyrgylch sy'n gwneud tafarn dda. Does gan Y Llangollen mo hynny, heblaw am y nosweithiau Sul y mae Pesda mor enwog amdanynt. Mae'r marc uchel dim ond oherwydd ei bod hi'n gwneud bwyd da a bod dewis eithaf eang o gwrw.